籌募大使

籌募大使做啲乜?

籌募大使主要職責係每日喺唔同嘅地方招募每月捐款嘅會員同埋推廣公眾教育。一般嘅慈善機構工作推廣:例如電視特輯、平面廣告等,都難以將慈善機構嘅工作一一介紹畀普羅大眾。但係籌募大使就有相關嘅知識﹐可以向市民單對單咁去深入了解慈善機構嘅工作。

 

籌募大使嘅工作意義

籌募大使嘅主要都係喺戶外工作,而每日都需要同幾百個甚至過千個嘅陌生人打招呼同溝通。籌募大使嘅工作能夠令你有機會去教育公眾、訓練口才同自信心;同時間我哋亦都同專業嘅培訓公司合作,提供一啲有國際認證嘅培訓畀籌募大使。無論係職場嘅員工,一或係跨國嘅總裁,都需要有良好嘅溝通技巧。籌募大使正正就係一份工作能夠去鍛鍊你嘅溝通技巧。

 

點解慈善機構唔搵義工做要出錢請人番嚟籌款?

慈善機構當然可以搵義工嚟籌款。但義工好難可以長年累月,每一日都幫慈善機構去籌款,亦都好難去預計義工嘅工作量去令慈善機構得到穩定嘅新捐款者。而且籌募大使係必需要認識一定嘅機構資料同專業嘅籌款技巧,而義工亦未必能保證會有相關嘅知識同資訊。即使慈善機構肯用時間去培訓義工,其實慈善機構亦都係要畀資源去做培訓,而成效亦未必能夠同專業嘅籌募公司比較。

你亦可以喺社交網站追蹤我哋