點解慈善機構要用我哋嘅服務

慈善機構唔可以自己做咩?做乜要幫襯你哋商業機構呀!

 

慈善機構當然可以有佢哋自己嘅籌款隊伍,係香港亦都有慈善機構有佢哋自己嘅籌款隊伍。例如樂施會、綠色和平等,但慈善機構就要將所有嘅行政開支自己獨力去承擔。

如果慈善機構將籌款項目交畀我哋做嘅話,好多嘅行政開支:例如招聘廣告、隊伍管理等,各個慈善機構去攤分,以減低行政開支。就正如你可以自己買材料番屋企煲湯,最後煲完出嚟嘅湯係要一百蚊一碗。但係一啲專賣湯水嘅舖頭,因大量入貨同攤分每一碗湯所需要嘅成本:例如燃料、煮食工具等,即使賣八十蚊一碗都有營利嘅道理一樣。

又或者有啲嘅國際性機構,佢哋因資源分配、機構政策嘅原因,唔可以有足夠嘅人數編制(head count)分畀籌募工作上面。因為咁將籌募工作委託畀我哋做係慈善機構嘅另一個出路。

透過聘請全職籌募大使,能全心全意、長時間同穩定咁喺街頭招募月捐市民,持續不間斷咁為機構籌募更多善款,同時更廣泛咁推行公眾教育工作。每位籌募大使都要接受嚴格嘅職前同定期在職訓練,不斷提升籌募大使嘅專業知識同操守。義工未必能長年累月每日工作八個鐘,每個禮拜工作五日,亦必有時間無間斷咁接受專業培訓。現代嘅慈善工作都逐步邁向專業化,一方面可以提高成本效益,另一方面可提升對社會嘅服務質素。用全職籌募大使進行籌款工作,係世界各地都好普遍。歐洲、美加、澳紐同亞洲國家亦有全職籌募大使。香港亦係1998年由外國引入喱種方法。

香港籌款顧問有限公司擁有多年嘅專業月捐籌募經驗,而管理層亦對喱方面有多年工作經驗,同時香港籌款顧問有限公司亦吸納咗唔同慈善機構的籌募經驗,能夠有效分享給慈善機構嘅工作,總結而言使籌募活動效益更高。另一方面香港籌款顧問有限公司全面負責招聘、培訓前線人員、策劃、管理同監察整個項目嘅工作,令慈善機構能夠共享服務,減低咗行政上嘅費用,亦唔需要內部增加人手,令慈善機構更能專注所提供嘅社會服務。

事實上大眾熟悉嘅籌募方式,包括電視節目、傳媒廣告,或者係郵遞方式嘅募捐,當中慈善機構大多數都係委託商業公司協助。

每位籌募大使必須簽署一份保密聲明同實務守則,確保我哋嘅專業工作合符慈善機構嘅要求,並同意將捐款者嘅資料嚴格保密,不得外洩、複製或轉移其他用途。

捐款亦會直接過戶去慈善機構,當中唔會經過第三者,確保捐款有效同方便,唔會因程序而延誤。

你亦可以喺社交網站追蹤我哋